Bashkitë për në Evropë – Fuqizimi i komuniteteve vendore për Procesin e Integrimit në BE të Malit të Zi

Projekti ka për qëllim të ofrojë mbështetje dhe forcim të kapaciteteve të të gjitha bashkive të Malit të Zi në planifikimin, programimin dhe përdorimin e ndihmës financiare të BE-së, si dhe të forcojë njohuritë dhe kapacitetin e tyre të qeverisjes në çështjet e lidhura me anëtarësimin në BE. Kontrata do të mbështesë zhvillimin e trajnimeve specifike dhe ngjarjeve të tjera për forcimin e kapaciteteve, si dhe kuadrin organizativ dhe institucional për prezantimin e “Zyrave të BE-së” në bashkitë e vendit. 

Objektivi i përgjithshëm i projektit

Të forcojë kapacitetet e bashkive për integrimin në BE, në mënyrë që të sigurohet që qeveritë vendore të jenë të pajisura me burimet e nevojshme institucionale, financiare dhe njerëzore për të zbatuar në mënyrë efektive politikat dhe standardet e BE-së në nivel vendor.

Objektivat specifike:

Decentralizimi i procesit të integrimit në BE duke fuqizuar bashkitë për të përmbushur kërkesat e anëtarësimit në BE.

Procesi do të fokusohet në ofrimin e mbështetjes për të gjitha 25 bashkitë dhe do të angazhohet në aktivitete për të arritur komponentët kryesorë si më poshtë:

• Komponenti 1: Rrjetëzimi dhe forcimi i kapaciteteve në nivel vendor (Forcimi i kapaciteteve të qeverisjes vendore për të përballuar sfidat që paraqet procesi i integrimit në BE dhe shfrytëzimin e mundësive që ofron ai.)
• Komponenti 2: Pjesëmarrja dhe Komunikimi (Rritja e njohurive mbi politikat e BE-së, acquis, standardet dhe shpërndarja e informacionit të lidhur me BE-në në nivel vendor)