Bashkitë për në Evropë (Faza 2)

Projekti synon të ofrojë asistencë dhe mbështetje teknike për bashkitë përmes sesioneve trajnuese, aktiviteteve të transferimit të njohurive, eventeve publike dhe mjeteve të ndryshme informuese me qëllim ngritjen e kapaciteteve dhe ndërgjegjësimin për administratat bashkiake dhe qytetarët e Shqipërisë në lidhje me proceset e Integrimit në BE.

Nëpërmjet një mbulimi mbarëkombëtar, ky projekt do të ofrojë mbështetje për të 61 Bashkitë e Shqipërisë dhe do të përfshihet në aktivitete të ndryshme të cilat do të ndihmojnë në arritjen e komponentëve kryesorë të mëposhtëm: 

• Forcimin e kapaciteteve të pushtetit vendor në përballimin e sfidave që paraqet procesi i integrimit europian dhe shfrytëzimi i mundësive që ai ofron.
• Rritja e njohurive për politikat e BE-së, acquis, standardet dhe shpërndarja e informacionit të BE-së në nivel lokal. Të gjitha aktivitetet e menaxhimit të projektit organizohen rreth 3 komponentë.

C.I Ngritja e Kapaciteteve Institucionale 

C.II Performanca e Pushtetit Vendor

C.III C.III. Visibiliteti dhe Komunikimi me Publikun

Për të arritur qëllimet e projektit, zbatohen këto aktivitete kryesore:

• Mbështetja e krijimit të Njësive të Integrimit Evropian në të gjitha bashkitë e Shqipërisë dhe sigurimi i mirëfunksionimit të tyre.
• Vazhdimi i asistencës ndaj bashkive në procesin e integrimit në BE duke i informuar lidhur me detyrimet dhe përfitimet që lindin për qeveritë vendore dhe komunitetet vendore në rrugëtimin e Shqipërisë drejt anëtarësimit në BE.
• Rritja e kapacitetit të qeverive vendore për të transmetuar informacion në lidhje me BE-në tek publiku dhe palët e interesuara të synuara.
• Ndihma ndaj Bashkive në aplikimiet për akses në fondet dhe programet e BE-së, veçanërisht duke vepruar si asistencë teknike për skemën e granteve të financuara nga BE-ja 'BE për Bashkitë'.
• Nxitja e bashkëpunimit ndërmjet qeverisjes vendore, komunitetit vendor, shoqërisë civile dhe aktorëve të tjerë në vendimmarrje dhe konsultime të vazhdueshme për çështje që lidhen me procesin e integrimit në BE. 
• Mbështetje në formulimin dhe paraqitjen e qëndrimeve dhe propozimeve të përbashkëta nga pushteti vendor për të përmirësuar performancën e tyre në lidhje me BE-në, në koordinim dhe bashkëpunim të ngushtë me Sekretariatin Teknik të Këshillit Konsultativ. 
• Asistenca në konsolidimin e rolit të Agjencisë për Mbështetjen e Pushtetit Vendor (ASLG) dhe Shkollës Shqiptare të Administratës Publike (ASPA) dhe asistenca në rritjen e funksioneve të tyre kundrejt njësive të qeverisjes vendore në çështjet që kanë të bëjnë me BE-në.